Blognews.am-ը գրում է.
Երգչուհի Մարտա Կիրակոսյանն արդեն որոշ ժամանակ է, ինչ իր ֆեյսբուքյան էջում տեղադրում է լուսանկարներ մի երիտասարդի հետ, ինչն էլ, բնականաբար, խոսում է այն մասին, որ երգչուհին ընտրյալ ունի: Երգչուհին ոչ միայն չհերքեց լուրը, այլև պատմեց մի քանի մանրամասներ. «Ես և Վիգենը ծանոթացել ենք մեր ընկերների միջոցով «AYO» մաֆ ակումբում: Նա մասնագիտությամբ իրավաբան է»:
Երգչուհին նշում է, որ Վիգենը շատ լավ հատկանիշներ ունի, որոնց շնորհիվ էլ կարողացել է գրավել իրեն. «Պարզապես կարող եմ ասել, որ նա իմ կողքին է, քանի որ նրա էությունը և աշխարհայացքը միանգամայն համապատասխանում են ինձ: Նա ինձ համար ամենալավն է և միակն է իր տեսակով՝ ստեղծված ինձ համար: Գիտե՞ք՝ մենք այնքան լավ ենք հասկանում իրար, որ ոչինչ չենք ուզում փոխել իրար մեջ, իրար սիրում ենք, հարգում ենք և ընդունում այնպիսին, ինչպիսին կանք»:
Երբ հետաքրքրվեցինք՝ արդյո՞ք ընկերությունը մինչև պսակադրություն կհասնի, երգչուհին պատասխանեց. «Ապագա քայլերի մասին չեմ ուզում խոսել, միայն կարող եմ ասել, որ գաղտնի չեմ պահի իմ ամուսնությունը»:
