Երևանում է թուրքական ժամանակակից գրականության հետաքրքիր դեմքերից մեկը՝ հայտնի կին գրող Բիրգյուլ Օղուզը: Այցելության առիթը նրա «Հա՛հ» վեպ-պատմվածաշարի հայերեն հրատարակությունն է: Գիրքը հոր մահն ու նրա իդեալների կորուստը սգացող երեք քրոջ հոգևոր ճամփորդությունն է: Այն վշտահար մարդու թե՛ կյանքը, թե՛ մահը փառաբանող գիրք է:
«Հայերեն գրականությունը թուրքերեն շատ քիչ է թարգմանված: Շատ դեպքերում լինում են նաև տարածման հետ կապված խնդիրներ, թե չէ ո՞վ չէր ուզի հայ գրականության ծովը մտնել: Միայն երկու տարի առաջ հայ ընկերոջս օգնությամբ սկսեցի ուսումնասիրել: Նա էր ինձ խորհուրդ տալիս ինչ կարդալ»,-լրագրողների հետ հանդիպման ժամանակ խոսելով հայ գրականության մասին՝ ասաց Բիրգյուլ Օղուզը:
Անի Կարապետյան
