Life.panorama.am-ը գրում է. Երգիչ Նարեկ Մակարյանը նկարահանում է իր հերթական տեսահոլովակը:
«Նոր երգս, որը նախնական տվյալներով կոչվում է «Believe», հեղինակել են Ամասն ու Սերժ Գաբյանը։ Ի դեպ, Սերժը նաևտեսահոլովակիս ռեժիսորն է: Այս երգս տարբերվում է իմ մյուս գործերից, այն իմ ոճին բացարձակապես չի համապատասխանում, երգում եմ «progressive house» ոճում, որով երբեք չեմ ներկայացել, բայց ինձ դուր է գալիս. սա յուրահատուկ էքսպերիմենտ է ինձ համար,- նշել է Նարեկն ու պատմել,- իրականում սա եղել է եռակողմ աշխատանք. նախնական մեղեդին գրել է Ամասը, որը հետո վերածել է երգի Սերժ Գաբյանը, դե իսկ ես էլ փորձել եմ իրականություն դարձնել նրանց պատկերացումները այս երգի հետ կապված»,- կայքի հետ զրույցում պատմել է երգիչը:
Նարեկ Մակարյանը պատմել է նաև, որ նոր երգը նվիրված է 20-րդ դարի բելգիացի նկարիչ Ռենե Մագրիտին.
«Մենք ցանկանում էինք ստեղծել մի գործ, որը ոչ թե կլիներ սիրո կամ մեկ այլ շատ քննարկված թեմայի շուրջ, այլ կանդրադառնար արվեստին: Հենց այս նպատակով էլ որոշեցինք երգը նվիրել հայտնի նկարիչ Ռենե Մագրիտին, ում կերպարից էլ ոգեշնչվել է Սերժը: Տեսահոլովակը սյուրռեալիզմի մեջ է լինելու, Սերժը փորձել է պատկերացնել, թե ինչ կլիներ, եթե մեծանուն նկարիչը ապրեր մեր ժամանակներում»,- նշել է երգիչը:
Ի դեպ՝ Նարեկը տեղեկացրել է, որ այս տեսահոլովակն իր եզակի գործերից է, ուր ներկայանալու է միայն որպես երգիչ և դերասանական տվյալներ չի ցուցադրելու.
«Այս տեսահոլովակում ես երգի միջոցով պատմում եմ նկարչի մասին ու որպես դերասան չեմ ներկայանալու: Ունենք երկու հերոս. Ռենեին մարմնավորելու է Արամ Կարախանյանը, իսկ հերոսուհուն կմարմնարվորի Մոսկվայից ժամանած Նաստասյա Գոլովկոն: Տեսահոլովակում հերոսները մեկը մյուսին լրացնում են, իրակնում բառերով բարդ է սցենարը ներկայացնելը: Այն շատ հետաքրքիր եւ մեր ազգի համար անսովոր է լինելու»,- ավելացրել է Նարեկ Մակարյանը:
«Այս տեսահոլովակը այն է, ինչը մեզ այսօր պակասում է: Մենք խոսում ենք արվեստի մասին, իսկ վերջին հինգ տարվա մեջ մեր երկրում ես չեմ հիշում գործ, որը արվեստին մոտ լինի: Այսօր ավելի շատ տարածված են կոմերցիոն երգերը, հասկանում եմ, ինքս էլ կատարում եմ դրանք, բայց կարծում եմ՝ պետք է գոնե երբեմն հիշել, որ երգիչ ես ու լավ աշխատանք պետք է ներկայացնես: Ուզում եմ աշխարհին ցույց տալ, որ կան հայեր, ովքեր եւս կարող են բարձր արվեստ ներկայացնել:
Ամբողջական նյութը՝ սկզբնաղբյուր կայքում
