Պետական գերատեսչությունները պետք է կրճատեն իրենց ծախսերը, ավտոմեքենաների քանակը: Նման հայտարարությամբ այսօր կառավարության նիստում հանդես եկավ վարչապետ Կարեն Կարապետյանը:
«Մենք մայիսի 5-ին ժամկետ ունենք կառավարության ծրագիրը նայելու: Ուշադիր եղեք: Ինչքան հասկացել եմ, ինձ տեղեկացրել է կառավարության աշխատակազմը, որ վեց ամսվա հաշվետվությունները կատարված են, եթե կան թերացումներ, խնդրում եմ կարգվորել: Աշխատակազմ ծրագիրը ներկայացնելու ժամանակ հատուկ ուշադրություն եք դարձնում ձեր կառավարման կառույցներին: Մենք բազմաթիվ տեղեր ունենք դուբլյաժ անող կառույցներ, էդ ամեն ինչը պետք է վերացնել՝ ծախսեր, ավտոմեքենաների քանակ, շքեղ, չգիտեմ, դրսևորումներ: Շքեղ բառը կարողա ճիշտ չեմ օգտագործում, բայց կառավարության ծրագիր տալու ժամանակ իջնում ենք մինչև էդ մակարդակ՝ ինչ կառավարման համակարգ ենք անում, ինչ ծախսերով, և այլն, լա՞վ»,- նշեց Կարեն Կարապետյանը:
