Լրագրող Նաիրի Հոխիկյանը գրում է. «Ուկրաինայում ՀՀ դեսպանությունն արդյո՞ք անտեսել է տեղի հայերին․ արդեն 2 օր է՝ ինձ նամակ են գրում Ուկրաինայում ապրող մեր հայրենակիցները՝ բողոքելով այդ երկրում ՀՀ դեսպանությունից։ Մարդիկ ասում են՝ օրեր շարունակ դիմում են դեսպանություն Ուկրաինան լքելու՝ իրենց համար ապահով ճանապարհ տալու համար։ Եթե սկզբում նշել են, սպասեք, ամեն ինչ կարգին է, ոչ մի վտանգ չի սպառնում, ապա հիմա ասում են՝ ձեր միջոցներով հասեք Լեհաստանի սահման, այնտեղ ձեզ կօգնեն։

Այս պահին Կիև քաղաքն արդեն փակ է, հետևաբար մեծ թվով մեր հայրենակիցները, այդ թվում՝ ՀՀ քաղաքացի, փաստացի մնացել են շրջափակման մեջ, նրանց կյանքին ու առողջությանն ամեն վայրկյան սպառնալիք կա։ Ուկրաինայում ապրող մեր հայրենակիցներին, ովքեր ևս հանդիպել են դեսպանության այսպիսի անդեմ վերաբերմունքի, խնդրում եմ, գրեք անձնական նամակով կամ պարզապես գրեք մեկնաբանություններում։
Դիմում եմ ՀՀ ԱԳՆ-ին՝ տեր կանգնեք Ուկրաինայում ապրող մեր հայրենակիցներին, եթե նույնիսկ նրանք ՀՀ քաղաքացի չեն։ Այդ երկրում ՀՀ դեսպանությունը փաստացի որևէ գործ չի անում և զբաղված է կեղծ քարոզչությամբ»։

Դիտեք նաև՝