Wnews.am-ը ներկայացրել է, թե որտեղ են և ինչով են հիմա զբաղվում «Հայ Սուպերսթար» նախագծի տարբեր եթերաշրջանների հաղթողները:
Սուսաննա Պետրոսյան. Նա առաջին «Հայ Սուպերսթար»-ի առաջին հաղթողն էր, նրան իսկապես սիրում էին… հիմա Սուսաննան գրեթե չի երևում հեռուստատեսությամբ, չի նկարահանում տեսահոլովակներ: Նա դասավանդում է երաժշտական դպրոցում:
«Շոու-բիզնեսը պահանջում է մշտապես լինել ուշադրության կենտրոնում, ներկայացնել սենսացիա, մասնակցել շոու-բիզնեսյան հավաքույթներին, որոնք ինձ այդքան էլ չեն գրավում: Շոու-բիզնեսի անդամ լինելով` պետք է կարողանաս բոլորի հետ շփվել, առաջ գնալու համար շահի հետևից ընկնել, եթե, իհարկե, գումար չունես: Եթե գումար չունես, պետք է նաև շողոքորթես, իսկ ես դա չեմ կարողանում անել, ոչ էլ սիրում եմ ինչ-որ մեկին ինչ-որ բան խնդրել»,-հարցազրույցներից մեկում նշել է նա:
Լուսինե Աղաբեկյան. «Հայ Սուպերսթար»-ի երկրորդ եթերաշրջանի հաղթողն է: Նա զբաղվում է երգարվեստով, ժամանակ առ ժամանակ ներկայացնում է նոր երգեր և տեսահոլովակներ: Նա խոստովանել է, որ երգարվեստում իր տեղը գտնելու հարցում իրեն շատ է օգնել ամուսինը, ով ռեժիսոր է: Նախագծից հետո նա անճանաչելի փոխվել է, փոխվել է նաև նրա անունը: Լուսինե Աղաբեկյանն այժմ ներկայանում է Լյուսի անվամբ:
Լյուսի Հարությունյան. «Հայ Սուպերսթար 3» նախագծի հաղթողն է: Նախագծի ավարտից հետո նա այլևս չներկայացավ հայ հեռուստադիտողին: Այսօր նրա մասին ոչինչ հայտնի չէ, միայն այն, որ բնակվում է ԱՄՆ-ում:
Րաֆֆի Օհանյանը «Հայ Սուպերսթար 4» նախագծի հաղթողն է: Նախագծի ավարտից հետո Րաֆֆիին դեռևս որոշ ժամանակ երգում էր, ներկայացնում էր նոր երգեր, մենահամերգով հանդես եկավ ակումբներից մեկում, բայց հիմա նա այլևս չի զբաղվում երգարվեստով և չի սիրում խոսել այդ մասին: Հիմա նա զբաղվում է ծրագրավորմամբ և աշխատում է PicsArt ընկերությունում:
Սոնա Ռուբենյանը «Հայ Սուպերսթար 5» նախագծի հաղթողն է: Նախագծի ավարտից հետո Սոնան մասնակցեց նաև «Նոր ալիք» միջազգային երգի մրցույթին և արժանացավ «Հանդիսատեսի համակրանք» մրցանակին: Սոնան ակտիվորեն զբաղվում է երգարվեստով, նկարահանում է տեսահոլովակներ, ձայնագրում նոր երգեր:
Ամբողջական նյութը՝ սկզբնաղբյուր կայքում
