BlogNews.am-ը գրում է, թե հայ հայտնիներից ով որ շրջանից է։
Երգիչ Արամեն ծնվել է Արմավիրի մարզի Արմավիր քաղաքում։ Նա սովորել է տեղի միջնակարգ դպրոցում, 11 տարեկանում տեղափոխվել է Դոնի Ռոստով և սովորել այնտեղի միջնակարգ դպրոցում: 2000-ականներին Արամեն վերադարձավ Հայաստան՝ իր խոսքն ասելու հայ հանդիսատեսին և հաստատվեց Երևանում։
Երգիչ Գևորգ Մարտիրոսյանը ծնվել է Կոտայքի մարզի Հրազդան քաղաքում: Հետագայում նա տեղափոխվել է Երևան և այժմ բնակվում է մայրաքաղաքում։
Երգիչ Անդրեն հայտնի ղարաբաղցի է։ Նա ծնվել է Ստեփանակերտում և իր առաջին քայլերն արել է հայրենի Արցախում։ Այնուհետև տեղափոխվել է Երևան և այստեղ ծավալել իր գործունեությունը։
Երգիչ Ռազմիկ Ամյանը նույնպես ղարաբաղցի է։ Նա ծնվել է Ստեփանակերտում, սովորել տեղի դպրոցում ու երաժշտական ուսումնարանում, այնուհետև տեղափոխվել Երևան և ընդունվել Կոնսերվատորիա։
Դերասան Վահագն Գալստյանը ծնվել է Կոտայքի մարզի Աբովյան քաղաքում, ուսումը ստացել է Երևանում՝ Թատերական ինստիտուտում։ Այժմ նա ևս բնակվում է մայրաքաղաքում։
Դերասանուհի Աիդա Բաբաջանյանը Ջավախքից է։ Նա սովորել է Թբիլիսիում և գործունեությունը սկսել այնտեղից, այնուհետև եկել է Երևան։
Դերասան Արտաշես Ալեքսանյանն արմատներով Էրզրումից է, նա ծնվել և մինչև 8-րդ դասարան ապրել է Գյումրիում, ապա ընտանիքի հետ տեղափոխվել Երևան:
Երգիչ Վարդան Բադալյանը ծնվել է Ստեփանակերտում, սովորել տեղի դպրոցում, ապա Սայաթ-Նովայի անվան երաժշտական ուսումնարանում: Երգչի կարիերան սկսվել է «Արցախի ձայն» նախագծից: Այժմ երգիչն ապրում և ստեղծագործում է Երևանում։
Դերասանուհի Անահիտ Մութաֆյանը ծնվել է Լոռու մարզի Վանաձոր քաղաքում: Թատերագետ Լևոն Մութաֆյանի դուստրն է, սովորել է Գյումրու դպրոցում, այնուհետև տեղափոխվել է Երևան։
Նյութը` սկզբնաղբյուր կայքում
