Հումորիստ, երաժիշտ և դերասան Գարիկ Պապոյանը վիրահատությունից հետո վերականգնողական փուլ է անցնում: Այս մասին տեղեկանում ենք Գարիկի Instagram-ի էջից: Նա story հատվածում լուսանկար և տեսանյութ է հրապարակել, որում երևում է, որ Գարիկը քայլում է բժիշկների օգնությամբ:
«Օր 2` քայլել ենք ավելի երկար»,- գրել է Գարիկը:
Հիշեցնենք, որ Գարիկ Պապոյանն օրերս վիրահատվել է: Նրա կինը` Մարիաննա, անդրադառնալով ամուսնու առողջական վիճակին, գրել էր. «Ժողովուրդ, ամուսնուս հետ արդեն ամեն ինչ նորմալ է, սպորտային վնասվածք ուներ, որը տարիների ընթացքում վերաճել էր մեծ խնդրի և ենթակա էր անհապաղ վիրահատության: Փառք Աստծո, ամեն ինչ արդեն կարգին է: Շնորհակալություն անհանգստության համար»:
