Ստամբուլի համալսարանի ծովային գիտությունների դասախոս Յավուզ Օրնեկը հունվարի 6-ին տեղի TRT1 հեռուստաընկերություն եթերում ասել է, որ Նոյը հայտնի ջրհեղեղից առաջ օգտագործել է բջջային հեռախոս՝ որդուն զանգահարելու համար,-փոխանցում է Hurriyet-ը:
«Մեծ 300-400 մետրանոց ալիքներ էին, և նրա որդին իրենից շատ կիլոմետրեր հեռու էր: Ղուրանը ասում է, որ Նոյը խոսել է իր որդու հետ: Բայց ինչպե՞ս է նա կարողացել հաղորդակցվել: Արդյոք դա հրա՞շք էր: Բայց մենք կարծում ենք, որ նա կապ հաստատել է իր որդու հետ բջջային հեռախոսի միջոցով»,- ասել է Օրնեկը՝ պնդելով նաև այն, որ Նոյը պողպատյա թիթեղներից է նավը պատրաստել, որը միջուկային էներգիա է օգտագործել:
«Ես գիտնական եմ և խոսում եմ գիտության համար»,- հավելել է նա:
