Այսօր՝ ապրիլի 8-ին, Ապրիլյան հերոսամարտի 2-րդ տարեդարձի առթիվ Գեղարքունիքի մարզի Նորաշեն համայնքի վարչական տարածքում, Սեւան-Գավառ մայրուղու հարեւանությամբ տեղադրվել է 21 մետր բարձրությամբ մետաղական խաչ, որն հավերժացնում է Ապրիլյան քառօրյա պատերազմի հերոս Ադամ Սահակյանի հիշատակը:
2016 թվականի ապրիլի 10-ին Ադամ Սահակյանը Արցախի Հանրապետության Նախագահի կողմից հետմահու պարգեւատրվել է Արցախի Հանրապետության «Մարտական ծառայություն» պետական մեդալով։ 2016 թվականի մայիսի 28-ին Հայաստանի Հանրապետության Նախագահի կողմից պարգեւատրվել է Հայաստանի Հանրապետության «Արիության» պետական մեդալով:
Հերոսի հիշատակին նվիրված խաչը տեղադրվել է Երեւան քաղաքի բնակիչ, արմատներով գեղարքունիքցի Գրիգոր Մադաթյանի նախաձեռնությամբ եւ միջոցներով: Միջոցառմանը ներկա են եղել հերոսի հարազատները, ՀՀ կառավարության, մարզայինիշխանությունների ներկայացուցիչներ, բարձրաստիճան հյուրեր, նորաշենցիներ:
