Դիտեք նաև՝

Օրեր առաջ ձեզ էինք ներկայացրել երգչուհի, Հայաստանի Ձայնը նախագծի մասնակից Գայա  Արզումանյանի «Նախշուն Բաջի» տեսահոլովակը, որի ռեժիսորն է Արտյոմ Աբովյանը: Այս առիթով Life.panorama.am-ը զրուցել է երգչուհու հետ, ով կայքի հետ զրույցում պատմել է.

«Տեսահոլովակի մասին շատ վաղուց եմ երազել, այն իմ նոր համագործակցության առաջին քայլերից է, այնպես որ ապագայում հեռուստադիտողը ինձանից թող ակտիվ գործունեություն սպասի»,- նշել է  երգչուհին ու ավելացրել.

«Արդեն աշխատում եմ Արայիկ Գաբաջյանի հետ, ով այսուհետ զբաղվում է իմ պրոդյուսինգով: Նրա հետ աշխատանքը շատ բարձր եմ գնահատում, իրեն եմ վստահում իմ ողջ գործունեությունը: Հենց նրա նախաձեռնությունն էր այս տեսահոլովակս, ինչպես նաեւ տեսահոլովակում աշխատող մասնագետների ընտրությունը: Իսկ տեսահոլովակի շրջանակներում համագործակցել եմ մի շարք պրոֆեսիոնալ մասնագետների հետ, ովքեր շատ մեծ ներդրում ունեն իրենց ասպարեզում: Շատ հաճելի էր աշխատել ինձ համար դեռեւս նոր, բայց արդեն հարազատ թիմի հետ»:

Գայան նշել է, որ երգի ընտրությունն իրեն է եղել, իսկ որոշումը կանգ է առել «Նախշուն Բաջի»-ի վրա մի պարզ պատճառով.

«Քանի որ մարդիկ ինձ ճանաչում են «Նախշուն Բաջի» երգով եւ այն ասես դարձել է իմ այցեքարտը, որոշեցի հենց այդ երգն էլ ընտրել տեսահոլովակի համար»,- նկատել է երգչուհին:

Գայա Արզումանյանը պատմեց  է նաեւ երգիչ-դերասան Սենոյի հետ համագործակցության մասին.

«Իմ գաղափարն էր երգում ռեփի հատված ունենալը, բայց տեքստը մշակել է հենց Սենոն: Երբ նոր էինք սկսում երգի նախապատաստական աշխատանքները, մի տեսակ կասկած կար, որ ռեփը «Նախշուն Բաջի»-ում չի ընդունվի, սակայն, երբ ամեն բան պատրաստ էր, հասկացա, որ մարդիկ այս կատարումը միանշանակ սիրելու են»,- ասել է երգչուհին:

Տեսահոլովակում իր համարձակ կերպարների եւ «Նախշուն Բաջի»-ն ռեփով ներկայացնելու վերաբերյալ կանխատեսվող  քննադատություններից Գայան չի վախենում. «Քննադատություններին ես շատ նորմալ եմ վերաբերվում, քանի որ այդպես էլ պետք է լինի, չի կարող մի գործը միանշանակ սիրվի եւ ընդունվի բացառապես բոլորի կողմից»,- շեշտել է նա:

Առավել մանրամասն՝ սկզբնաղբյուր կայքում