Հումորի օրը լավ առիթ է զրուցել դրա ընկալման ու որակի մասին:
Asekose.am-ը զրուցել է լավագույն հումորիստներից մեկի՝ Ռաֆայել Երանոսյանի հետ, խոսելու հումորի, ամենատպավորիչ կատակների ու «խաբելու օրվա մասին»:
Ամբողջ աշխարհում այսօր նշվում է հումորի օրը, որը շատ հաճախ ասոցացվում է խաբելու հետ: Կասեք ձեր վերաբերմունքը կապված այսօրվա հետ, և ինչ կատակներ եք արել հենց ապրիլի մեկին:
Ապրիլի 1-ին կատակներ արել եմ դպրոցական տարիներին, երբ աշուշ ու հիմար կատակներով խաբում էինք մեկս մյուսին: Օրինակ՝ այսօր ընկեր Թամարան չի գալու ու մաթեմատիկայի դաս չենք անելու: Հիմնականում այս բնույթի էին կատակները մեր, բայց այսօր ինձ համար ապրիլի 1 հասկացողությունը չկա, ուշադրություն չեմ դարձնում: Ինձ համար ամեն օրս էլ ուրախ ու հումորով է անցնում (Ժպտում է): Ես ոչ մի տոնի չեմ պատրաստվում, ինձ համար ամեն օր Նոր Տարի է, Մարտի 8 և այլն: Ամեն օր ուրախ եմ, հումորներ անում եմ, իսկ որ օրը մի քիչ խմած եմ այդ օրը Նոր Տարի է:
Որ խաբկանքը կամ կատակն է մինչ օրս տպավորվել ձեզ մոտ:
Նման դեպք չի եղել, քանի որ ես շատ ուշ եմ խաբվում: Եթե ինձ մի բան ասում եմ ես չեմ շտապում հավատալ, կամ ենթադրություններ անել, մինչև չեմ տեսնում իմ աչքով: Առհասարակ ինձ խաբել չի հաջողվում:
Արդյոք հնարավոր է ապրիլի 1-ին խաբել դերասան Ռաֆայել Երանոսյանին:
Չեմ պատկերացնում, թե ինչ ձև պետք է դերասանություն անեն, որ ինձ խաբեն: Մինչ օրս՝ անկախ ապրիլի 1-ց, չի եղել մի դեպք, որ ինձ մի բան ասեն ես հավատամ:
Կան մարդիկ ովքեր ցավագին են մոտենում այն հանգամանքին, որ այդ օրն իրենց խաբում են, հետաքրքիր է ինչպես եք վերաբերվում նման մարդկանց:
Ես կարծում եմ, որ մարդիկ պետք է ամեն ինչին մի փոքր հումորով մոտենան: Նման թեմաները ցավագին ընդունելը կարծում եմ մարդու տեսակից է: Պետք է հումորով վերաբերվել նույնիսկ կյանքին, կարծում եմ այդպես ավելի թեթև կլինի ամեն ինչ:
Ինչ կասեք այն մասին, որ տարվա 365 օրվանից միայն մեկն է համարվում ծիծաղի օր:
Նման մարդիկ պետք է գնան հիվանդանոց ու ստուգվեն (ժպտում է): Այսօր կյանքն այնքան դժվար է, որ մարդ պետք է իր հումորի զգացումով այն թեթևացնի: Ամեն մի վատ բան լսելուց ու տեսնելուց մեղադրում ենք երկրին, բայց երկիրն ընդհանրապես կապ չունի, ամեն բան պետք է փնտրենք ու գտնենք մեր մեջ:
Որպես դերասան ով երկար տարիներ բեմում է կասեք, արդոք հեշտ է ծիծաղեցնել հայերին:
Շատ դժվար է ժպիտ պարգևել մարդկանց, կապ չունի թե ինչ ազգություն ունի նա: Բայց առավել դժվար է պարգևել ժպիտ մեր հայ ազգին, ով շատ խնդիրներ ու հոգսեր ունի:
Հեղինակ՝ Անահիտ Հարությունյան
