Փետրվարի 12-ին Լոռու մարզի Ալավերդի քաղաքում 33-ամյա ծննդկան է մահացել: Asekose.am-ի հետ զրույցի ընթացքում Ալավերդու բժշկական կենտրոնի տնօրեն Ստեփան Մոսինյանը հայտնեց, որ կինը գիշեր ժամը 03:00-ին բնական ճանմապարհով լույս աշխարհ է բերել տղա երեխա, իսկ արդեն 03:15-ին կնոջ վիճակը վատացել է, նրա մոտ սկսվել է արյունահոսություն եւ առավոտյան ժամը 06:00-ին 33-ամյա կինը մահացել է:
«Ծննդաբերության ընթացքում արգանդի պատռվածք, տրոմբոէմբոլիա հարցականով, քանի որ դա կարող է պարզել միայն դատաբժշկական փորձաքննությունը, որն արդեն իսկ գործընթացի մեջ է: Տեղի է ունեցել դիակի դատաբժշկական փորձաքննություն, համապատասխան նմուշներն ուղարկվել են փորձաքննության, որի արդյուքի պատասխանիս կարող ենք հստակ ասել`ծննդկանը մահացել է արգանդի պատռվածքից, թե տրոմբոէմբոլիայից: Արգանդի պատռվածքն այնպիսի հատվածում է եղել, որ նման դեպքերում կայծակնային մահ է վրա հասնում», մանրամասնեց բժիշկը:
Ծնվելուց անմիջապես հետո մահացած ծննդկանի երեխան տեղափոխվել է Երևան և բուժում է ստանում:
«Նույն օրը երեխան տեղափոխվել է Սուրբ Աստվածամայր բժշկական կենտրոն, համապատասխան նեղ մասնագիտական բաժանմանոքում ստանում է համապատասխան բուժում: Ըստ մեր ամենօրյա տեղեկատվության ` երեխայի մոտ դրական տեղաշարժ կա: Երեխայի կյանքին այս պահին վտանգ չի սպառնում»,-Asekose.am–ի հետ զրույցում նշեց Ալավերդու բժշկական կենտրոնի տնօրեն Ստեփան Մոսինյանը:
Նշենք, որ Անժելայի հարազատները կատարվածի մեջ մեղադրում են բժշկական կենտրոնի բժիշկներին:
Հեղինակ` Լիլիթ Նավասարդյան
Լուսանկարը` hetq.am-ի
