|
ՀՑԹԻ նախկին տնօրեն, պատմաբան Հայկ Դեմոյանը ֆեյսբուքյան էջում գրել է․
«Հայ տղամարդկանց մասին։
Կզարմանաք այսպիսի թեմայի անդրադառնալու կապակցությամբ, բայց սա անհրաժեշտություն է՝ ծնված երեկվա թեմայի շուրջ որոշ անձանց արձագանքներից:
Մեր հասարակության ախտահարված էությունն առաջին հերթին երևում է սկզբունքներից, արժանապատվությունից ու պատվախնդրությունից զուրկ տղամարդկանց մի կույտի առկայությունից: Սրանց մեջ կան այնպիսիների, որոնց մոտ վերոնշյալ հասկացություններն իսպառ բացակայում են, բայց կան նաև դրանցից որոշ խմբաքանակ ունեցողները, ովքեր այնքան ճկուն են իրենց սկզբունքների առկայությունն ու բացակայությունն ի ցույց դնելու համար, որ գումարի կամ ճանաչման համար կարող են վերադասավորվել ու հարմարվել:
Այլ կերպ ասած, սա տղամարդկանց այն տեսակն է, որոնց եթե մայր հայհոյես, պատրաստակամ կլինեն քննարկել այդ հիշոցի մանրամասնությունները ու հաշտվելու առաջարկներ կանեն, որովհետև հընթացս մտածում են, թե այդ հայհոյանքն իր հասցեին հնչեցնելուց ինչպե՞ս կարող են օգտվել ու շահող դուրս գալ դրանից:
Նիկոլը հենց այս տեսակի առկայությունը հաշվի առնելով տղամարդու այս տեսականու համար շրջազգեստ պատվիրեց՝ ի դեմս ուժային նախարարուհիների: Սա ասում եմ, առանց վիրավորելու նախարարների կանացի ինքնությունը, քանի որ բազմիցս արձանագրել եմ, որ իրենց հետևում կաննիբալիզմի, ասել կուզի՝ մարդակերության հակված տղամարդիկ են, ովքեր իրենց պաշտոնների նշանակեցին՝ սեփական մարդակեր ու գլխակեր կենցաղն ապահովագրելու համար:
Այս տեսակի տղամարդկանց համար, ովքեր ամեն առիթով ու ամեն գնով պատրաստ են նիկոլաթավիշ պաշտպանել, կան և ուսյալներ և քյառթու տգետներ: Երկու տեսակին էլ, ինչպես նշեցի, միավորում է կատարյալ անսկզբունքայնությունն ու սեփական արժանապատվությունը հարմար գներով վաճառելու պատրաստակամությունը:
Օջախի տղեքը, ով երկու օրը մեկ ծանր ու մեծ սեղան են նստում, միմյանց մեծարում են ու իրենց օջախում գրաֆիկով կին ծեծողների լուրջ դեմքերով տներով են գնում, որ հաջորդ օրը նորից ախպերությունից խոսեն, երբեք հաշիվ չեն տալիս, որ իրենց վերադասներն ու պաշտպանյալները կարող են համասեռամոլներ լինել, մի բան որը «մահացու» բացահայտում կարող է լինել իրենց անբեկանելի տղամարդկային ինքնությունների համար: Կարևորը փող գա, իրենց թաղի բուդկեն ու իր վարկանիշն ապահովող օբյեկտը ապամոնտաժման տակ չհայտնվի: Մնացածը պայմանավորվելու հարց է:
Այս տեսակին բոլորովին էլ չի հետաքրքրում, որ իրենք հավատարմության երդում են տվել Ծիծեռնակաբերդում գողություններ կատարած անձանց ու պատրաստ են մինչև վերջ արդարացնել նրանց: Կարևորը փողերի հոսքը չվտանգելն է:
Նիկոլը տղամարդու այս տեսակը ստացավ գիտակցաբար ու աստիճանաբար: 2020 թվականի պատերազմի օրերին հավաքակայանում նա դեպի ստույգ մահն էր ուղարկում իսկական տղերքին, իսկական հայ տղամարդուն, որովհետև հետագա տարիների ստորությունների, ստախոսությունների ու Արցախը Ալիևին հանձնելու իր դավադիր գործարքի ու տղերքի թիկունքում պայմանավորվելու մասին բարձրաձայն խոսելու դեպքում հաշիվ պետք է տար հենց տղամարդու այդ տեսակին:
Հիմա նա վայելում է ղզիկների ու փալասների վերածված մի զանգվածի աջակցությունը և առատորեն վարձատրում է նրանց ծառայությունների դիմաց: Դրա համար են բուծվում ֆեյքեր, մորուքավոր մատղաշ պաշտոնյաներ, քաղաքագետներ ու խոսացող գլուխներ, որոնց անունները շուտով հատիկ-հատիկ տալու եմ՝ իրենց գործառնությունների նկարագրություններով:
Վերջում մի պատմություն պատմեմ: Հին Հունաստանում եթե կինը դավաճանում էր ամուսնուն, պատժում էին կնոջը: Եթե երկրորդ անգամ էր դավաճանում՝ կրկին պատժում էին կնոջը, իսկ դավաճանության երրորդ դեպքից հետո, այս անգամ պատժում էին ամուսնուն:
Պատմությունս ի՞նչ կցուցանե: Երեկվա լուրերում հայտնված հայ դիվանագետ աղջնակի դավաճանության դեպքը կրկնակի դավաճանություն է, առաջինի դեպքում դավաճանություն է պետության դեմ, իսկ երկրորդ դեպքում գլխավոր մեղավորը անողնաշար, ծախու, անսկզբունքային, ինքնությունից զուրկ, նյութապաշտ, փողամոլ, անհաշվետու, տգետ ու արժեհամակարգից զուրկ հայ տղամարդկանց հենց այս տեսակն է»:
|
