Մոտ ապագայում սպասվում է ՀՀ վարչապետ Նիկոլ Փաշինյանի այցը Ռուսաստան։ Այս մասին հայտարարել է Ռուսաստանի փոխվարչապետ Ալեքսեյ Օվերչուկը։ «Նիկոլ Վովաևիչը երկու շաբաթ առաջ Ռուսաստանում էր։ Մենք սպասում ենք նրան Ռուսաստանում մոտ ապագայում։ Եվ մենք սպասում ենք նրա այցին», - լրագրողներին ասել է Օվերչուկը։

Ռուսաստանի փոխվարչապետ Ալեքսեյ Օվերչուկը հաջորդ շաբաթ կժամանի Երևան՝ Եվրասիական տնտեսական միությունում (ԵԱՏՄ) Հայաստանի աշխատանքը քննարկելու համար։

«Ես հաջորդ շաբաթ կմեկնեմ Երևան։ Այցելությունն ինքնին նախապես պլանավորված էր, այն կապված է այն փաստի հետ, որ Հայաստանի Հանրապետության իրավական շրջանակներում հայտնվել է նորմատիվ իրավական ակտ՝ Հայաստանի կառավարության որոշում, որը, մեր կարծիքով, հակասում է Եվրասիական տնտեսական միության օրենսդրությանը»,- լրագրողներին ասել է նա։

Օվերչուկի խոսքով, այս հարցը կքննարկվի առաջիկա այցի ընթացքում։ «Հետո Վաշինգթոնում տեղի ունեցավ հանդիպում, ստորագրվեց հռչակագիր։ Հետևաբար, սպասվում է նաև, որ հնարավոր է հանդիպում լինի Նիկոլ Փաշինյանի հետ, որտեղ մենք կքննարկենք որոշակի նրբերանգներ, որոնք հիմնականում կապված են Հարավային Կովկասի տարածաշրջանում հաղորդակցությունների ապաշրջափակման հետ», - հավելել է նա։

Փոխվարչապետը բացատրել է, որ Ռուսաստանը հետաքրքրված է Հարավային Կովկասում իր շահերին վերաբերող հարցերով, այդ թվում՝ երկաթուղային հաղորդակցությունների զարգացմամբ։

***

Ռուսաստանն աջակցում է Հայաստանին «Թրամփի երթուղու» հարցում, եթե դա նրա համար լավ է, հայտարարել է փոխվարչապետ Ալեքսեյ Օվերչուկը։
«Մենք քննարկում ենք այս հարցը։ Հայաստանը մեր ռազմավարական դաշնակիցն է։ Եթե Հայաստանը կարծում է, որ ինչ-որ բան նրա համար լավ է, ապա, իհարկե, մենք աջակցում ենք դրան», - լրագրողներին ասել է Օվերչուկը՝ պատասխանելով «Թրամփի երթուղու» իրականացման վերաբերյալ հարցին։
Նա ընդգծել է, որ Ռուսաստանը աջակցում է Հարավային Կովկասում խաղաղության գործընթացներին, որոնք լիովին համապատասխանում են իր շահերին։
«Իհարկե, այն համաձայնությունների շրջանակներում, որոնց կարելի է հասնել, առաջանում են որոշ նրբերանգներ, որոնք մենք պետք է պարզաբանենք հայկական և ադրբեջանական կողմերի հետ միասին», - հավելել է Օվերչուկը։

Դիտեք նաև՝