Հերթական զավեշտը ադրբեջանական մամուլում: Իտալական RAI հեռուստաընկերությունը ներկայացրել էր ռեպորտաժ ղարաբաղյան հակամարտության գոտում, որտեղ հարցազրույց ուներ նաև հաղորդավարուհի, դերասանուհի Նազենի Հովհաննիսյանի ու ԱԺ պատգամավոր Թևան Պողոսյանի հետ:
Իտալուհի լրագրողը նշել է, որ հաղորդավարուհի, դերասանուհին իր գործընկերների հետ այս օրերին Արցախում է՝ տեղից ռեպորտաժներ ներկայացնելու և զինվորներին քաջալերելու համար:
Իսկ ահա ադրբեջանական կայքերից մեկը գրել է, որ ինչպես երևում է իտալական հեռուստաընկերության կադրերում՝ աղջիկը ծառայում է դիրքերում և նույնիսկ հարցազրույցի ժամանակ դիպուկահար կինը/ այդպես է Նազենի Հովհաննիսյանին ներկայացրել ադրբեջանական կայքը/ չի թաքցրել, որ ինքը վարձու զինվոր է:
RAI-ի տեսանյութը կարող եք դիտել այս հղումով:
