Blognews.am-ը գրում է.

Երգչուհի Նարե Գևորգյանն օրերս իր երկրպագուների դատին հանձնեց «Թաքնված սեր» երգի ամբողջական տարբերակը, որը համանուն հեռուստասերիալի սաունդթրեքն է:

Կայքի հետ զրույցում Նարեն ասաց, որ ի սկզբանե երգը կիսատ էր թողարկել, քանի որ ժամանակը սուղ էր: «Սկզբում երգն ուներ մի տուն, մի կրկներգ: Քանի որ սերիալի անոնսն արդեն պետք է եթեր հեռարձակվեր, չհասցրինք ամբողջական տարբերակը պատրաստել»,- ասաց նա ու հավելեց, որ առաջին իսկ պահից հասկացել է, որ երգն իրեն հոգեհարազատ է:

«Հանդիսատեսն էլ էր հարցնում՝ ամբողջական տարբերակը ե՞րբ պատրաստ կլինի: Գիսանեի հետ որոշեցինք, որ երգը պետք է ունենա նաև շարունակություն: Վաղ առավոտյան էի գնացել ձայնագրման, սակայն պրոցեսը շատ հեշտ ստացվեց: Երգն այնքան եմ սիրել, որ անընդհատ ուզում էի էլի երգել, բայց ասում էին՝ շատ լավ ա, բավական է:)»,- պատմեց երգչուհին:

Նարեից հետաքրքրվեցինք՝ ունի՞ իր թաքնված սերը: «Բոլորս էլ ունեցել ենք մեր թաքնված սերը: Ես էլ բացառություն չեմ: Իսկապես լացել եմ այս երգը կատարելիս: Հոգով եմ կատարել, դրա համար ստացվեց»,- ասաց նա ու հավելեց, որ կողակից չունի, իսկ այս պահին սիրահարված է, թե ոչ, չի ուզում բացահայտել:

Առավել մանրամասն` սկզբնաղբյուր կայքում