ՀՀ ժողովրդական արտիստ Միքայել Պողոսյանը ֆեյսբուքյան իր էջում գրել է, որ նոր ֆիլմի նկարահանումներն ավարտին հասցնելու համար իրենց թիմին ֆինանսական օգնություն է անհրաժեշտ: Դերասանը գրել է հետևյալը.
«Սիրելի բարեկամներ,
Մեկ տարի առաջ սկսեցի «Լորիկ» աշխատանքային անունը կրող նոր ֆիլմի աշխատանքները: Ֆիլմը «ֆենտեզի»-դրամա, կոմեդիա ժանրում է և, իհարկե, ՍԻՐՈ և կարեկցանքի մասին, որոնք այնքան անհրաժեշտ են մեզ:
Նկարահանումները տեղի կունենան Երևանում՝ օգոստոս-սեպտեմբեր ամիսներին:
Պետք է ասել, որ դա շատ բարդ և հետաքրքրիր նախագիծ է, միգուցե ամենաբարդը անձամբ ինձ համար՝ որպես դերասանի, պրոդյուսերի և սցենարիստի։
Այժմ ընթանում է նկարահանումների նախապատրաստական գործընթացը. հաստատված է սցենարը, աշխատում է պրոֆեսիոնալների ստեղծագործական խումբը: Շնորհիվ մտերիմներիս և մի քանի ընկերությունների՝ հավաքվել է նկարահանումների համար անհրաժեշտ միջոցների նշանակալի մասը, որը բավական է մինչև օգոստոսի վերջ՝ նկարահանումների փուլի ամենավճռորոշ մասը:
Շատ եմ ուզում, որ մեր ֆիլմը դառնա իսկապես ԺՈՂՈՎՐԴԱԿԱՆ՝ մեր բարեկամների, ծանոթների, կինոսերների և իմ արվեստի երկրպագուների համար։ Բոլոր նրանց համար, ովքեր անտարբեր չեն Հայաստանում կինոյի ճակատագրի հանդեպ:
Նախագիծն ավարտելու համար խնդրում եմ իմ բոլոր ընկերներին աջակցել ուժերի ներածին չափով: Անգամ ձեր նվիրաբերած ոչ մեծ գումարը շատ կարևոր է մեզ համար, ինչը արժեքավոր ներդրում կդառնա մեր միասնության մեջ՝ մեզ ու մեր երկրի համար այս ոչ հեշտ ժամանակահատվածում:
Մշակույթի ու արվեստի ոլորտի նախաձեռնություններին աջակցելու նպատակով վերջերս մի խումբ համախոհների հետ հիմնեցինք «Միաբան» հիմնադրամը: Արդեն իսկ անվանումը կոչ է անում բոլորիս համախմբվել այդ գաղափարի շուրջ:
Մեր ֆիլմն այդ հիմնադրամի նախագծերից մեկն է:
Դուք կարող եք նվիրաբերել նաև առցանց (Visa, MasterCard և այլ քարտերով)՝ հետևյալ հղումով:
Հնարավոր է նաև բանկային փոխանցում:
Մեզ հետ կապ հաստատելու համար կարող եք գրել info@miaban.am էլ. հասցեին կամ զանգահարել հետևյալ հեռախոսահամարներով՝
+374 435 3420 (Հայաստան)
+1(609) 606-2612 (US)»:
