«Ամեն մի եկող նախարար ասել է՝ մեզ կինոյի օրենք պետք չէ ու դա բերել է իր հետևանքները.ում ուզում, ինչքան ուզում գումար են տալիս ու ասում, թե գնա՝ ինչ ուզում ես նկարի: Եվ, եթե էսօր մի վեդրո անտաղանդ կինոռեժիսորներ ունես՝ նրանից է, որ հիվանդ ստրուկտուրա ես ունեցել: Կինոյի օրենք չա, ոչինչ չի հստակեցվում»,-լրագրողների հետ հանդիպման ժամանակ ասաց ռեժիսոր Արամ Շահբազյանը։
Կինոռեժիսոր Արման Երիցյանն էլ նշեց, թե լավ կլիներ լուծարել Կինոմիությունը:
«Նկարիչների ու Գրողների միությունն էլ հետը. ոնց որ բոլշևիկյան ավելցուկ լինեն: Կինոմիությունից ոչինչ չի մնացել է, զրո է: Այդ կառույցը պետք է պահպաներ միության անդամների իրավունքները, լուրջ կինոդպրոցի հիմք պետք է ստեղծեր: Ունեցել ենք գրքույկ, ստացել ենք լոբի, շաքարավազ»,-նշեց Արման Երիցյանը:
Հիշեցնենք՝ հոկտեմբերի 7-ին Կինոգործիչների միության նախագահ են ընտրելու:
Առաջադրված է 3 թեկնածու՝ Գևորգ Գևորգյան, Վահե Գևորգյանց, Հարություն Խաչատրյան: Քվեարկությունը կընթանա փակ:
