Մետրոյի գնացքները «Բաղրամյան» կայարանում արդեն 3 օր է կանգառներ չեն կատարում: Երեւանի Կարեն Դեմիրճյանի անվան մետրոպոլիտենի փոխտնօրեն Գեւորգ Ավետիսյանն «Ա1+»-ին տեղեկացրել է, որ «Բաղրամյան» կայարանի շարժասանդուղքների մեքենասարքերում առաջացած տեխնիկական կարգավորման աշխատանքները դեռ չեն ավարտվել: Իսկ թե երբ կավարտվեն, դեռ պարզ չէ:
Նա հերքել է այն լուրերը, թե «Բաղրամյան» կայարանում գնացքների չկայանալը կապված է վերջին օրերին Երեւանում տեղի ունեցող քաղաքացիական անհնազանդության ակցիաների հետ: «Պարզապես զուգադիպություն է»,- ասել է նա՝ ավելացնելով, որ աշխատանքները կապված են ուղեւորների անվտանգության հետ: Նրանք էլ ըմբռնումով են մոտենում իրավիճակին:
