Թարմացված․«Սամվել Կարապետյանը դեռ տանն է, չեն ձերբակալել: Ես տուն չեմ մտել, բայց գիտեմ, որ շուտով կձերբակալեն»։ Այս մասին լրագրողների հետ զրույցում ասաց գործարար Սամվել Կարապետյանի եղբայրը՝ նախկին պատգամավոր Կարեն Կարապետյանը։

«Ինչ էլ ասել է, քիչ է ասել։ Ես այստեղ կանգնած եմ, որ առաջինն ինձ ձերբակալեն, որովհետև ես էլ խոսեցի։ Կա պետություն, կան համապատասխան մարմիններ, թող համապատասխան մարմինները գործեն օրենքի սահմաններում։ Վաղն ամեն մեկն իր արածի համար պատասխան է տալու, ես էլ` իմ արածի համար»,- նշեց նա։
Նա նաև նշեց` հուսահատված չէ բնավ, սա էլ կանցնի: «Այն, ինչ մեզ չի սպանում, ավելի է ուժեղացնում: Ինչ ճնշում էլ ուզում ա լինի, երբ որ հիմնական հենասյունն է վտանգի տակ դրված, էլ ի՞նչ: Սպասենք գան, մեր տներում մեր թոռներին մորթեն, որ նոր ուշքի՞ գանք»,- արձանագրեց նա:

45 անձի են բերման ենթարկել Սամվել Կարապետյանի տան մոտից, անգամ` ձեռքի կոտրվածքով երիտասարդների:

Այդ մասին քիչ առաջ լրագրողներին հայտնեց Սամվել Կարապետյանի եղբայրը՝ Կարեն Կարապետյանը։
Ավելի վաղ հայտնել էինք, որ թևերը ոլորելով բերման են ենթրակում բոլոր նրանց, ովքեր փորձում են նկարահանել տեղի ունեցող իրադարձությունները:

***

«Հենց նոր մտա տուն` թոռները վազվզում էին, կարծես թե խուզարկություն տեղի չի ունեցել, ամեն ինչ հանգիստ է»,- լրագրողների հետ զրույցում արձանագրեց գործարար Սամվել Կարապետյանի եղբայրը` նախկին պատգամավոր Կարեն Կարապետյանը: Այս պահին նաև հայտնի է, որ Սամվել Կարապետյանը չի ձերբակալվել:
«Եթե ճշմարտությունն ասելը հանցագործություն է, ուրեմն մենք հանցագործ ենք։ Սամվելի ասած ամեն բառի տակ մեկ առ մեկ ստորագրում եմ»,- կրկնեց գործարարի եղբայրը։

Դիտեք նաև՝