ՀՀ գլխավոր դատախազ Արթուր Դավթյանն ԱԺ- ում երկու միջնորդություն է ներկայացրել`մեկը Մանվել Գրիգորյանին անձեռնամխելիությունից զրկելու, մյուսն էլ ազատությունից զրկելու հարցերով։
Արթուր Դավթյանը ներկայացրել է Մանվել Գրիգորյանին պատկանող տարածքներում ազգային անվտանգության ծառայության խուզարկությունների արդյունքները:
Զենք-զինամթերքից, ավտոմեքենաներից, սննդից բացի՝ հայտնաբերվել են նաև դպրոցականների նամակներ, որոնց բովանդակությունը հուշում է, որ երրորդ դասարանի աշակերտներն իրենց զորակցությունն են հայտնում ապրիլյան պատերազմի ժամանակ առաջնագծում գտնվողներին:
Գլխավոր դատախազն ԱԺ ամբիոնից ընթերցել է այդ նամակներից մեկը.
«Ես հավատում եմ, որ դու ամուր կպահես մեր երկրի սահմանները, պատվով կկատարես հայրենիքիդ ու հողիդ առաջ պարտքը»,- գրված է նամակում:
