Այսօր` մարտի 3-ին, Մոսկվայում մահացել է խորհրդային հայտնի դերասանուհի Նատալյա Կրաչկովսկայան։ Դերասանուհին 77 տարեկան էր: Վերջին օրերին նա հիվանդանոցում էր գտնվում, ուր տեղափոխվել էր` սրտի գանգատներից ելնելով: Բժիշկները Նատալյա Կրաչկովսկայայի առողջական վիճակը գնահատում էին ծայրահեղ ծանր: Նա միացված էր արհեստական շնչառության ապարատին. վիճակը բարդացնում էին նաև կողմնակի հիվանդությունները:
Հավելենք, որ Նատալյա Կրաչկովսկայան հանդիսատեսին առավել հայտնի է «Իվան Վասիլյևիչը փոխում է մասնագիտությունը», «12 աթոռ», «Դարձեք իմ ամուսինը», «Չի կարող պատահել» ֆիլմերից: Որպես կանոն` նա խաղում էր երկրորդական դերեր, որոնք սակայն շատ վառ էին և հիշվող:
