Այսօր համացանցում լուրեր էին տարածվել այն մասին, որ մահացել է ՌԴ Լիբերալ-դեմոկրատական ​​կուսակցության ղեկավար Վլադիմիր Ժիրինովսկին։

Նշենք, սակայն, որ պետդումայի խոսնակ Վյաչեսլավ Վոլոդինը հերքել է սենատոր Ալեքսանդր Պրոնյուշկինի հայտարարությունը՝ Ժիրինովսկու մահվան մասին։

«Ուզում եմ հանգստացնել բոլոր նրանց, ովքեր անհանգստացած են Վլադիմիր Վոլֆովիչ Ժիրինովսկու առողջությամբ, նա ողջ է, վիճակը իսկապես ծանր է։ Այսօր նրան համակարգչային տոմոգրաֆիա են արել։ Մաղթենք շուտափույթ ապաքինում»,- գրել է քաղաքական գործիչը` Telegram-ալիքում։

Տեղեկացնենք, որ Ժիրինովսկին 75 տարեկան է: Ռուսական լրատվամիջոցները գրում են, որ վերջին օրերին քաղաքական գործիչն անգիտակից վիճակում է։
Նրա մոտ ախտորոշվել է երկկողմանի թոքաբորբ, թոքերի ախտահարումը հասել է 75%-ի։