Լոնդոնի արևմտյան շրջանում բազմահարկ բնակելի շենք է այրվում, որի ներսում հարյուրավոր մարդիկ են եղել: Ինչպես նշում է The Guardian-ը, կրակն ամբողջությամբ այրել է կառույցը:
Ականատեսների պնդմամբ՝ հրդեհի բռնկման պատճառ կարող էր լինել 4-րդ հարկում տեղի ունեցած պայթյունը:
Շենք են ուղարկվել շուրջ 40 հրշեջ մեքենաներ և 200 հրշեջներ, որոնց դեռևս չի հաջողվում մարել կրակը: Լոնդոնի հրշեջ պահպանության աշխատակիցների տեղեկատվության համաձայն՝ այրվում են շենքի երկրորդից մինչև 27-րդ հարկերը: Կա վտանգ, որ շենքը կարող է փլվել:
Ծխից տուժածների օգնություն են ցույց տալիս բժիշկները, սակայն տուժածների ստույգ թիվն առայժմ չի նշվում: Ոստիկանությունը հայտնել է, որ մինչ այժմ շարունակվում է շենքից մարդկանց տարհանումը: Դեռևս հայտնի չէ՝ քանի մարդ էր գտնվում շենքում և նրանցից քանիսին է հաջողվել փրկել:
