tert.am-ը գրում է. Հանրային դեմք դարձած երգիչներ, դերասաններ, մոդելներ ոչ միայն իրենց աշխատանքով են ճաշակ թելադրում, այլ նաեւ իրենց տեսքով եւ նախընտրած look-երով:
Այսուհետ «Ատեքս» նորաձևության կենտրոնի տնօրեն, ոճաբան Կարինա Դնոյանի հետ կքննի հայ հայտնիների look-երը: Արդյո ՞ք նրանք թելադրում են ոճ, ինչպես օրինակ համաշխարհային մի քանի վառ դեմքեր:
«Չգիտեմ, որքանով է լավ կամ վատ, բայց իրականությունն այն է, որ շատ արտիստներ հենց իրենք են թելադրում ոճ: Բայց կարծում եմ, որ դա վատ է, քանի որ երկրպագուները ձգտում են նմանվել իրենց սիրելի արտիստին` կորցնելով իրեն անհատականությունը: Յուրաքանչյուր մարդ յուրովի է իր տեսակով `իր թերություններով, իր առավելություններով: Շատ են Բեյոնսեի եւ Քիմ Քարդաշյանի կրկնօրինակողները»,- ասաց Կարինեն:
Լիլիթ Հովհաննիսյան
Լիլիթին շատ եմ հավանում: Նա տաղանդավոր, ձայնային լավ տվյալներով երգչուհի է: Շատ աշխատասեր ու հետաքրքր աղջիկ է: Բայց ես հավանում էի առաջվա Լիլիթին` խուճուճ մազերով, ակնոցներով: Դա էր իր կերպարը: Երբ ինքդ քեզ տիկնիկ ես դարձնում, դեմքդ սկսում է ոչինչ չարտահայտել:
Եթե քննարկենք Լիլիթի վերջին տեսահոլովակը, ապա պետք է ասեմ, որ երգն ու իր կերպարները չեն համընկնում իրար հետ: Նկատելի է ու ողջունելի, որ տեսահոլովակում իր կերպարների վրա նա շատ է աշխատել: Բայց տեսահոլովակը կարծես կերպարների հետաքրքիր շարան լինի: Այնքան արագ են փոփոխվում, որ չես էլ հասցնում մարսես թե՛ տեսածդ եւ թե՛ լսածդ:
Լիլիթը նաեւ մոդելավորում է զգեստներ: Իհարկե, ողջունում եմ, որ մարդը բազմակողմանի զարգացած է եւ կարողանում է նաեւ այլ մասնագիտության մեջ իրեն փորձել: Բայց մյուս կողմից սիրում եմ, երբ ամեն մարդ իր գործով է զբաղվում, քանի որ յուրաքանչյուրն իր մասնագիտության գիտակն է:
Լիլիթի կերպարները վառ են, բայց շատ հաճախ կրնկնօրինակություններ են: Նրա թե՛ առօրյա եւ թե՛ բեմական կերպարները լավ մտածված են, բայց երբեմն երգի հետ կապ չունեցող կերպարներ են:
Նյութը`սկզբնաղբյուր կայքում
