BlogNews.am-ը իր ընթերցողներին պատմել է «Արմենիա TV»-ի նոր՝ «Դոմինո» սիթքոմի մասին։ Այս նախագծում ներկայանալու է նաև Լիկա Սալմանյանը։ Մեզ հետ զրույցում Լիկան ասաց, որ «Հարազատ թշնամու» ավարտին հաջորդած վեցամսյա դադարից հետո այս առաջարկն ընդունել է, քանի որ նորովի ներկայանալու հնարավորություն ունի։ Լիկան մարմնավորելու է Լիլիթին, ով համեստ աղջիկ է՝ Նարեկ Բավեյանի հերոսի նշանածը։
«Դադարի ընթացքում լավ հանգստացա, հավաքեցի ուժերս և հիմա պատրաստ եմ աշխատելու։ Հումորային նախագծերում չեմ նկարահանվել։ Կարծում եմ՝ շատ հետաքրքիր է լինելու, հեռուստադիտողների համար էլ զարմանալի կլինի։ Մի անգամ ընկերներիցս մեկի հետ ծիծաղում էինք, մի կին ինձ ասաց՝ վայ, դու կարողանո՞ւմ ես ծիծաղել։ Այս առումով կարծրատիպը կկոտրվի»,- նշեց դերասանուհին։
Հոնորարների մասին խոսել դերասանուհին զգուշացավ, միայն նշեց, որ դրանք աճել են։ «Բնականաբար, ուշադրություն դարձնում եմ հոնորարի չափին, քանի որ դա իմ աշխատանքն է»,- եզրափակեց նա։
Խոսակցություններ կան, որ Լիկան դուրս է մնացել Բժշկանկան քոլեջից։ Մեզ հետ զրույցում նա ասաց, որ իր կամքով տարկետում է վերցրել, քանի որ նկարահանումների ժամանակ շատ զբաղված էր, իսկ բացակայությունները խանգարում էին նորմալ ուսում ստանալ։ Ըստ Լիկայի՝ հունվարից կշարունակի ուսումը։
