Ռուսաստանաբնակ հայտնի հայ դիմահարդար Գոհար Ավետիսյանն առողջական խնդիրների պատճառով ստիպպված է վերադառնալ Մոսկվա: Դիմահարդարն ամուսնու հետ հանգիստն էր վայելում Վրաստանում, սակայն որովայնի շրջանի սուր ցավի պատճառով Գոհարը ստիպված է եղել հրաժարվել իր որոշ ծրագրերից:
Դիմահարդարը լուանկար է հրապարակել Instagram-ում՝ հետեւորդների հետ կիսվելով իր ապրումներով.
«Ամեն ինչ այնքան լավ էր ընթանում, երբ հանկարծ անտանելի ցավ զգացի որովայնիս շրջանում: Կյանքումս երբեք այդպիսի ցավ չէի զգացել: Երեկ առավոտյան արթնացա որովայնում ծանրության զգացողությունից, ցերեկվա ընթացքում ինձ ավելի վատ զգացի (այդ պահին Կազբեգիից Թբիլիսի էինք ուղեւորվում): Ճանապարհին 3 ժամ լաց եմ եղել այդ անտանելի ցավի պատճառով: Շուտով շտապ օգնությունը հասավ: Հարցրեցին՝ ինչ եմ կերել եւ կանգ առան թութի վրա: Միգուցե, պատճառը ստամոքսի խոցն է: Որոշ սրսկումներ արեցին եւ ես միանգամից քնեցի, սակայն առավոտյան արթնացա նույն ցավով: Այսօր իմ վերջին օրն է Վրաստանում եւ ես չգիտեմ` ինչ անել: 5 օրից ծնունդս է եւ տարեդարձս պատրաստվում էի նշել Երեւանում, բայց հաշվի առնելով իրավիճակը՝ կարծում եմ՝ պետք է վերադառնամ Մոսկվա:
Հիմա կհարցնեք՝ ինչու եմ այս ամենը ձեզ պատմում: Ուղղակի, երբ արտահայտվում եմ, ինձ ավելի լավ եմ զգում: Աղոթեք ինձ համար, սիրելիներս, իսկ ես պատրաստվեմ, որպեսզի գնամ հիվանդանոց»,-գրել է նա:
