Նոյեմբերի 26-ին Սոչիում տեղի կունենան ՌԴ նախագահ Վլադիմիր Պուտինի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի եռակողմ բանակցությունները, հայտնում է Կրեմլի մամուլի ծառայությունը, փոխանցում է RT-ն:
Նշվում է, որ բանակցությունները տեղի կունենան ՌԴ ղեկավարի նախաձեռնությամբ: Հանդիպման ժամանակ ծրագրվում է դիտարկել 2020 թվականի նոյեմբերի 9-ի և 2021 թվականի հունվարի 11-ի եռակողմ պայմանավորվածությունների ընթացքը: Բացի այդ, նախատեսվում են առանձին զրույցներ Պուտինի կողմից՝ Փաշինյանի և Ալիևի հետ:
