Հայաստանի պետական երիտասարդական նվագախումբը 10 տարեկան է: Այս տարիների ընթացքում նվագախումբն ունեցել է մեծ ձեռքբերումներ, հանդես է եկել բազմաթիվ համերգներով Հայաստանում և ՀՀ սահմաններից դուրս:
Դիրիժոր և կոմպոզիտոր Քշիշտոֆ Պենդերեցկին, ով այսօր ելույթ կունենա Երիտասարդական նվագախմբի 10-ամյա հոբելյանին՝ շնորհավորեց՝ ասելով.
«Շնորհավորում եմ Սերգեյին՝ նման հրաշալի նվագախումբ ստեղծելու համար: Ես նվագախմբի հետ արդեն մի քանի անգամ հանդես եմ եկել ու ամեն անգամ արձանագրել եմ նրանց հերթական աճը»:
Պենդերեցկին նշեց, որ հետաքրքրված է երիտասարդ երաժիշտներով, որովհետև Լեհաստանում կենտրոն է հիմնադրում.
«Շատ հաճելի է երիտասարդ երաժիշտների հետ շփում ունենալը, կապ չունի՝ հայ է, լեհ, թե ամերիկացի»,-նշեց դիրիժորը:
Անի Կարապետյան
