«ՀայաՔվե» ազգային-քաղաքացիական միավորումը հաղորդում է ներկայացրել ՀՀ Գլխավոր դատախազություն՝ պահանջելով նախաձեռնել քրեական գործ և քննել Նիկոլ Փաշինյանի գրառումների և հայտարարությունների համապատասխանությունը ՀՀ սահմանադրությանը, ինչպես նաև դրանց համապատասխանությունը ՔՕ 420 հոդվածով նախատեսված պատժամիջոցներին։ Այս մասին ուղիիղ եթերում հայտնեց Ավետիք Չալաբյանը․ «Երեկ ՀՀ վարչապետի աթոռը զբաղեցնող անձը իր ֆեյսբուքյան էջում մի շարք հայտարարություններ թույլ տվեց Հայաստանյաց Առաքելական Սուրբ եկեղեցու հասցեին։ Ընդ որում այդ հայտարարությունները և՛ վիրավորական բնույթ ունեին, և՛ միջամտում էին Եկեղեցու գործերին»,- ասաց նա՝ հավելելով, որ պետությունը իրավունք չունի միջամտելու կրոնական կազմակերպությունների գործունեությանը։ Ինչպես նաև Սահմանադրությամբ ՀԱԵ-ն ունի բացառիկ կարգավիճակ, որպես մեր ինքնության հենասյուն։