ՔՊ-ական պատգամավոր Վահագն Ալեքսանյանը ֆեյսբուքյան իր էջում տեսանյութ է հրապարակել՝ «Կլինի՞ 2 միլիոն դոլարը տաք քաղաքացիներին, 20 լուման ձեզ պահեք» խորագրով, որում մասնավորապես ասում է․ «Հոսանքն էժանացնել 0,2 դրամով կամ 20 լումայով․ ահա այս առաջարկն է ներկայացրել Տաշիր Սամոյի եղբոր, Սերժի աշխատակազմի նախկին ղեկավար Կարեն Կարապետյանի որդի Նարեկ Կարապետյանը։ Հիշեցնեմ, որ սա այն նույն «Տաշիր գրուպ»-ն ու նույն ՀԷՑ-ն է, որն ամեն ամսի 20-ին պարտք ունենալու դեպքում անջատում էր քաղաքացիների լույսը, բայց ՀԷՑ-ում ժամանակավոր կառավարիչ նշանակվելուց հետո պարզվեց, որ, օրինակ, իրենց հետ փոխկապակցված Տ մետալ ընկերությունը տարիների ընթացքում կուտակել է 800 մլն դրամի պարտք, բայց նրանց հոսանքը ոչ մեկը չի անջատել, նրանց վրա տույժ ու տուգանք ոչ մեկը չի կիրառել։ Իհարկե, սա հո 5000 դրամ հոսանք վառած տատիկ կամ պապիկ չի, որին էլ հիմա հոսանքը պետք է ծախել 0,2 դրամով էժանացնելու գաղափարը։ Լրջացե՛ք, պարոնայք»։