Կարծում եմ` Ալեն Սիմոնյանը ինքն է շպիոն հանդիսանում, այս իշխանությունն է թուրք–ադրբեջանական տանդեմի շպիոնը. Սեյրան Օհանյանը պատասխանում է ԱԺ նախագահին
«Հայաստան» խմբակցության պատգամավորն առաջարկեց համեմատություններ կատարել, թե ում ղեկավարության ժամանակ է ՀՀ–ն ավելի ինքնիշխան եղել։
Նշենք, որ Սիմոնյանն այսօր ՀՀ 2–րդ նախագահին անվանել է «ռուսական շպիոնի կարգավիճակ ունեցող մարդ»։
***
|
«Իմպիչմենթ նախաձեռնողները հենց անլուրջ են, որովհետև իրենք հասկանում են, որ իմպիչմենթ իրականացնելու, վարչապետ Նիկոլ Փաշինյանին անվստահություն ներկայացնելու գործընթացը հիմքեր պետք է ունենա։ Այդ հիմքերն այսօր առկա չեն»,- ԱԺ-ում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը՝ նշելով, որ «հիմքեր առկա չեն» ասելով նկատի ունի, որ նախաձեռնությունը չի կարող հաջողել հաշվարկների, անհրաժեշտ ձայների ապահովման առումով, քանի որ իրենց ՔՊ պատգամավորների աջակցությունը ևս անհրաժեշտ է։ «Նախօրոք իմանալով, որ լինելու է ձախողում ու գնալ իմիտացիոն պրոցեսների՝ անլուրջ է»,- ասաց Օհանյանը՝ կարծիք հայտնելով, որ պետք է նաև հանրային լայն աջակցություն, ինչը ևս չկա։ |
