Գյումրու ավագանու անդամ, պրոդյուսեր Ռուբեն Մխիթարյանը գրել է․ ««Ջենիֆերի 3.5 անգամ թանկ լոպեսը».
Արդյո՞ք վատ է, որ Ջեյ Լոն համերգով հանդես եկավ Հայաստանում: Իհարկե՝ ոչ:
Արդյո՞ք պետք է համերգին մասնակցած հայաստանցի հանդիսատեսին քարկոծել ու համարել անհայրենիքներ: Իհարկե՝ ոչ: Դա նվազագույնը անհասկանալի էմոցիոնալության դրսևորրում է: Մարդիկ պետք է նաև ուրախանան և զգան իրենց աշխարհի ոչ պակաս կարևոր մաս:
Բայց...) Աշխարհի ոչ պակաս կարևոր մաս զգալուց պետք է նաև իմանան, որ Հայաստանում օգոստոսի 3-ին Ջեյ Լոն երգել է 1 միլիարդ դրամով, իսկ Ղազախստանում օգոստոսի 1-ին 400 միլիոն թենգեյով: Ինչը նշանակում է, որ Հայաստանում նա երգել է 2.590.000$-ի դիմաց, իսկ Ղազախստանում 3.5 անգամ ավելի քիչ՝ 741.000$ գումարի դիմաց: Ըստ և ղազախական աղբյուրների և հայկական աղբյուրների, համերգներին մասնակցել է մոտ 15.000 զբոսաշրջիկ, ինչի արդյունքում Հայաստանում գեներացվել է իբր 13.300.000$, իսկ Ղազախստանում 6.9 միիարդ թենգե, ինչը հավասարազոր է 12.770.000$-ի: Իսկ հիմա համեմատեք՝
🇦🇲2.590.000$ - 🇰🇿 741.000$
🇦🇲 13.300.000$ - 🇰🇿 12.770.000$
Այսինքն մոտ 3.5 անգամ թանկ վճարելով, Հայաստանը ստացել է ընդամենը կես միլիոն դոլարից ավել էֆեկտ, քան անհամեմատ ավելի շատ ռեսուրսներով և բնակչությամբ հարուստ Ղազախստանը:
Հիմա այստեղ կա կոռուպցիա, թե՞ ոչ, թող մեզ պատմի մեծն առակագիրը, որը դեռևս ԱՆԻՖ-ի ժամանակներից ոչ մի նոր «կռուտիտի» մեխանիզմ չի հորինել:
Հ.Գ. Բոլոր տվյալները վերցրած են պաշտոնական աղբյուրներից և առկա են համացանցում»:

Դիտեք նաև՝