Համացանցում տեղեկություններ են հայտնվել այն մասին, որ անծանոթ մի տղամարդ սպառնում է երգչուհի Ժաննա Ֆրիսկեի ընտանիքի անդամներին: Ամեն անգամ, երբ այդ տղամարդը տեսնում է Ֆրիսկեի քրոջը` Նատալյային, խնդրում է, որպեսզի նրանք վերահուղարկավորեն երգչուհուն:
«Նա մոտ 60 տարեկան կլինի: Ամեն անգամ, երբ նա ինձ տեսնում է Ժաննայի գերեզմանի մոտ, մոտենում է և ինչ-որ անհեթեթ բաներ խոսում: Կարծես թե նա հոգեկան շեղումներ ունի: Մենք վախենում ենք նրանից. ով գիտե, թե այդ տղամարդը հետո ինչի ընդունակ կլինի»,- լրագրողների հետ զրույցում պատմել է Նատալյա Ֆրիսկեն:
