Խորովածի համաշխարհային մայրաքաղաքում՝ Ախթալայում արդեն 9-րդ անգամ անցկացվում է խորովածի ամենամյա փառատոնը։ Նպատակը հայ ավանդական կերակրատեսակների մասսայականացումն ու հայոց ոչ նյութական մշակութային արժեքներից մեկը համարվող հայկական խոհանոցի ամրագրումն է:
Միայն հայերի մոտ է, որ խորովածն ընկալվում է որպես ջերմային մշակման առանձին եղանակ և պարտադիր արվում է բաց կրակի վրա։
«Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանն ինչպես մյուս, այնպես էլ այս փառատոնի օրն առաջարկում է տոնի հերոսի մասին չմոռանալ և թեկուզ փառատոնին չկարողանաք էլ մասնակցել՝ տանը պատրաստեք:
