«Իսլամական պետության» ահաբեկիչերն Իրաքի Մոսուլ քաղաքում ոչնչացրել են տարածքում գտնվող հնագույն քրիստոնեական վանքը: Այս մասին հաղորդում է Associated Press լրատվական գործակալությունը: Արբանյակից ստացված տեղեկությունների համաձայն՝ 1.400 տարվա պատմություն ունեցող հնագույն վանքը հիմնահատակ ավերվել է:
Ըստ մասնագետների՝ գրոհայինները հնագույն սրբատեղին ավերել են բուլդոզերների, ծանր մուրճերի ու պայթուցիկ նյութերի միջոցով:
Աղբյուրը նշում է նաև, որ վանքը համալրել է 100-ից ավելի կրոնական ու պատմական հուշարձանների և շինությունների ցանկը, որոնք բարբարոսաբար կործանվել են ԻՊ-ի գրոհայինների կողմից:
