Տեսանյութն՝ Asekose.am-ի տելեգրամյան ալիքում
Թարմացում․ Երևանում հնչած կրակոցների հետևանքով տուժածներից 1–ը մահացել է, հայտնում է Նյուզ․am-ը։
Աջափնյակում հնչած կրակոցների հետևանքով «Արմենիա» ԲԿ է տեղափոխվել 7 մարդ։ Նրանցից մեկը մահացել է, 2-ի վիճակը ծայրահեղ ծանր է, հնարավոր է՝ վտանգ է սպառնում կյանքին, մյուսների վիճակը կայուն ծանր է, ԲԿ–ից հայտնել են լրատվամիջոցին։
|
Թարմացում․ Այսօր՝ ժամը 16:00-ի սահմաններում ՆԳՆ տեղեկություններն են ստացվել, որ Աբելյան փողոցի 9 հասցեում կրակոցներ են հնչել և կան վիրավորներ։ Ինչպես հայտնում է Գագիկ Շամշյանը, նշված վայրից հրազենային վնասվածքներով 10 քաղաքացիներ տեղափոխվել են Երևանի տարբեր հիվանդանոցներ։ Դեպքի վայրում հայտնաբերվել է ինքնաձիգով և ատրճանակից կրակված մի քանի պարկուճ, արնանման հետքեր, դանակ, Lexus, որի վրա առկա են կրակոցի հետքեր։ Ոստիկանները պարզում են վիրավորների, Lexus-ի սեփականատիրոջ ինքնությունը։
|
***
Կրակոցներ են հնչել Երևանի Աջափնյակ թաղամասում, կան վիրավորներ
«Ձեռնարկվում են անհետաձգելի օպերատիվ-հետախուզական միջոցառումներ դեպքի բոլոր հանգամանքները պարզելու ուղղությամբ»,– Asekose.am–ին հայտնեցին ՆԳՆ ոստիկանությունից։
