Ազգային Ժողովի «Ծառուկյան» պատգամավորական խմբակցության անդամ Մելիք Մանուկյանի ընտանիքին պատկանող գործարանում այսօր տեղի ունեցած պայթյունը տեխնածին է: Այս մասին armtimes.com-ի հետ զրույցում ասաց Մելիք Մանուկյանը, որի ընտանիքի անդամների հետ է կապվում գործարանի ղեկավարումը:

-Պարոն Մանուկյան, «Սիփան» գործարանի պայթյունի հետեւանքով կան տուժածներ, օգնելո՞ւ եք նրանց:

-Դուք ո՞նց եք կարծում: Մենք ի՞նչ է, մարդ չե՞նք, ո՞նց կարող է պատահել նման բան... Ուզում եմ ասել՝ կօգնենք:

-Այցելե՞լ են տուժածներին:

-Մի հոգի է:

-ԱԻՆ-ի փոխանցմամբ՝ 2 հոգի է տուժել:

-Չգիտեմ, թե ինչպես են այդպես ասել, բայց մի հոգի է, որին մենք պարտադիր պատրաստ ենք օգնել:

-Գույքային վնասը մե՞ծ է:

-Հիմա փորձաքննություն է գնում, մենք էլ այդպես ուշադրություն չենք դարձրել: Կտեսնենք, հիմնականում մեծ բան չի եղել: Մի քիչ լուն սարքում ենք դավա:

-Դուք տեխնածի՞ն եք որակում պայթյունը:

-Անպայման, երկրորդ կարծիք չկա: Տեխնածին է, հիմնականում տեխնածին է:

Շարունակությունը՝ սկզբնաղբյուր կայքում