Հայտնի երգչուհի Իրինա Դուբցովան երեկ համերգային շրջագայությամբ մեկնել է Նոր Ուրենգո, ինչի ժամանակ տհաճ միջադեպ է տեղի ունեցել վերջինիս և ռուս հայտնի գործարարներից մեկի` Օլեգ Պետրովիչի, դստեր` Դարյայի միջև: Ըստ համացանցում տարածված տեղեկությունների` օդանավակայանում երգչուհին ծեծի է ենթարկվել նրա կողմից:
Նշենք, որ այսօր երգչուհին իր միկրոբլոգի միջոցով պարզաբանել է Նոր Ուրենգոյի օդանավակայանում իր հետ տեղի ունեցածը.
«Ես ավտոբուսի աշխատակցուհուն խնդրեցի, որպեսզի փակի դուռը, քանի որ ինձ լավ չէի զգում: Դա, ամենայն հավանականությամբ, դուր չեկավ Օլեգ Պետրովիչի դստերը` Դարյային, ով բավականին բուռն արձագանքեց և հարձակվեց ինձ վրա: «Փակիր, քո կեղտոտ բերանը»- ասաց նա ինձ,- գրել է երգչուհին:
Տեղեկացնենք, որ Իրինան ավելացրել է նաև, որ այդ պահին գործարարն ամեն կերպ փորձել է հանգստացնել իր դստերը, նա նույնիսկ նրան տեղափոխել է ավտոբուսի այլ շարք:
«Այս ամենից հետո ինձ բավական կլինի միայն Դարյայի ներողությունը»,- գրել է Իրինա Դուբցովան:
