Այսօր ԱԺ ճեպազրույցների ժամանակ Ազգային ժողովի Հայ ազգային կոնգրես խմբակցության քարտուղար Արամ Մանուկյանը անդրադառնալով անցկացված խորհրդարանական ընտրություններին, դրանք համարեց պետական աննախադեպ կազմակերպված հանցագործություն և ներկայացրեց ընտրական իրավունքի խախտման դեպքերի մի ուսումնասիրություն:
«Մի տեղ կա՝ ժողովրդի 25 տոկոսն օգնությամբ է քվեարկել, մի տեղ ունենք, որ մի տեղամասում, գյուղերից մեկում 130 հոգու օգնել են, իսկ ամենակայֆը, կներեք բառիս համար, որ հոգեբուժարանում Հանրապետական կուսակցության օգտին քվեարկել է 100 տոկոսը, բոլոր հոգեկան հիվանդները քվեարկել են Հանրապետականի օգտին»,- ասաց Արամ Մանուկյանը՝ նշելով, որ նույն ուսումնասիրության համաձայն ընտրողների 5 տոկոսը տեսողության խնդիրներ է ունեցել, քանի որ նրանց քվեարկելու հարցում օգնողներ են եղել:
