Քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Մենք գործ ունենք ՀՀ իշխանությունների կողմից հրահրված քաղաքական հալածանքի հետ, որի պատճառն է մարդկանց առաջնորդելու, նրանց պայքարի մղելու Վարդան Ղուկասյանի բնածին տաղանդը։ Քանի դեռ Վարդան Ղուկասյանն անազատության մեջ է, Նիկոլ Փաշինյանը կարող է հեգնանքով կոչ անել ընդդիմադիրներին իր դեմ փողոց հանել զանգվածներին և հեղափոխություն անել` իմանալով, որ նրանք ի զորու չեն դա անել` ամուլ են և ապիկար։
Որպեսզի Վարդան Ղուկասյանին պահեն անազատության մեջ, ՀՀ իշխանությունները չեն խորշում ամերիկացիներին ապատեղեկատվություն հաղորդելուց, սուտ սիգնալներ ուղարկելու անազնիվ վարվելակերպից, փորձելով Վարդանին վերագրել մեր տարածաշրջանում ԱՄՆ կողմից խրախուսվող խաղաղության գործընթացը տապալելու և նոր պատերազմ հրահրելու մտադրություններ։ ԴՕԿ կուսակցության և ԱՄՆ֊ում բնակվող մեր հայրենակիցների առաջնահերթ խնդիրն է բացահայտել և հերքել այդ սադրիչ ապատեղեկատվությունը` ճիշտ կողմնորոշել ԱՄՆ իշխանություններին. Դրանից կախված կլինի Վարդան Ղուկասյանի ազատության մեջ ժամ շուտ հայտնվելու հնարավորությունը»։

Դիտեք նաև՝

***

***

***