«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է. «Ս․թ․ հունվարի 27-ին ի պատասխան վարչապետի՝ հունվարի 24-ի մամուլի ասուլիսում հնչեցրած տեսակետին, առ այն, որ հանրությունը պետք է իրազեկված լինի ԶԼՄ-ի ֆինանսական հոսքերի և սեփականատերերի մասին։

Իմ կողմից նույնն առաջարկվեց վարչապետին, որ նա պետք է սկսի հենց իրենից, մասնավորապես՝ «Հայկական ժամանակ» թերթը հրապարակող «Դարեսկիզբ» ՍՊԸ-ն, որը հիմնականում Նիկոլ Փաշինյանի ընտանիքին էր պատկանում, երբ և ինչու, ինչ իրավական հիմքերով է Փաշինյանի ընտանիքը «հրաժարվել» իրենց փայաբաժնից։ Միաժամանակ խնդրել էի իրազեկել, թե արդյոք «Հայկական ժամանակ» թերթի ֆինանսական հոսքերն իրականում հանրության ու շահագրգիռ անձանց /փայատերերի/ համար թափանցիկ ու հասանելի՞ են։ Բարձրացված հարցերն առ այսօր մնացել են անպատասխան։
Վարչապետն ի պաշտոնե պարտավոր է պատասխանել։
ՀՀ «հպարտ» քաղաքացիները պետք է իրազեկված լինեն իրենց վարչապետի և նրա ընտանիքի անդամների ֆինանսական հոսքերի ծագումնաբանությանը։
Հ․Գ․ հասարակությունը պետք է պահանջատեր լինի այս հարցում, որպեսզի հասկանալի լինի, թե ինչքանով են ազնիվ իշխանությունները կոռուպցիայի դեմ պայքարի իրենց հայտարարությունների մեջ և արդյոք իրենք իրականում զերծ են կոռուպցիայից»: