«ԱրմԼուր»-ը տեսանյութ է տարածել՝ հայտնելով, որ GTB ընկերության սեփականատեր Գրիգոր Տեր-Ղազարյանը կարճաժամկետ այցով եղել է ՀԷՑ-ում․ «Գրիգոր Տեր-Ղազարյանն այդպես էլ ոչինչ չմեկնաբանելով հեռացել է:
Նա չի պատասխանել հարցին՝ արդյո՞ք եկել է, որպեսզի գործարարից ՀԷՑ-ը խլեն և իրեն տան: Չի պատասխանել նաև այն հարցին, թե նախկինում լինելով խարդախության համար դատապարտված ու բանտարկված, ինչպես է ՀԷՑ-ը ազնիվ կառավարելու»։

Ավելի վաղ լրատվամիջոցը հայտնել էր, որ իշխանությունը մտադրություն ունի ՀԷՑ-ի բաժնեմասերը վաճառել կամ այլ եղանակով օտարել ՋԻ ԹԻ ԲԻ ընկերության սեփականատեր, ՔՊ-ի սիրելի գործարար Գրիգոր Տեր-Ղազարյանին։

Հավելենք, որ ՋԻ ԹԻ ԲԻ ընկերության սեփականատեր Գրիգոր Տեր-Ղազարյանն արձագանքել է այն տեղեկությանը, ըստ որի՝ իշխանությունները պատրաստվում են օտարել ՀԷՑ-ի բաժնեմասերը իրեն․ Ես ո՛չ պատրաստվում եմ ՀԷՑ-ի բաժնեմաս ձեռք բերել, ո՛չ ցանկանում եմ ՀԷՑ-ը կառավարել, ո՛չ էլ առհասարակ ՀԷՑ-ի հետ որևէ առնչություն ունեմ։