Blognews.am-ը գրում է.
Սեպտեմբերի 15-ից մեծ էկրան կբարձրանա հայկական նոր կատակերգություն՝ «3+2 կգ»։ Այս անգամ հանդիսատեսին սպասվում է քրեական կատակերգություն։ Այս մասին մեզ հայտնեց ֆիլմի տնօրեն և դերասան Արման Գևորգյանը՝ նշելով, որ ժանրային առումով «3+2 կգ»-ը նորություն է հայկական շուկայում։
«Հայկական շուկայում հիմնականում եղել են կատակերգություններ իրենց դրամատիկ պատմություններով, սակայն քրեական կատակերգություն Հայաստանում երբևէ չի նկարահանվել։ «3+2 կգ» ֆիլմը նկարահանվել է պրոֆեսիոնալ բոլոր չափանիշներին համապատասխան, դասական կինոյի օրինակով»,- ասաց Արմանն ու հավելեց, որ իրենց ֆիլմում կա սեր, անդավաճան ընկերություն և քրեական պատմություն՝ համեմված հումորային իրավիճակներով։
Արմանը նշեց, որ ֆիլմի սյուժեն և զարգացումները շատ հետաքրքիր են. «Բացի այն, որ սպասվում է հետաքրքիր կատակերգություն, ֆիլմն ունի նաև դաստիարակչական բնույթ»։
Ֆիլմի հիմքում 3 տղաների ընկերությունն է, ովքեր ներքաշվում են քրեական պատմության մեջ։ Թե ինչ իրավիճակներում են նրանք հայտնվում և ինչպես են դուրս գալիս դրանցից, հանդիսատեսը կտեսնի կինոթատրոններում։
Ֆիլմի սցենարի հեղինակը, ռեժիսորն ու պրոդյուսերը Կորյուն Մայիլն է՝ երեխաներին հայտնի քեռի Մուլտիկնիկը։ «3+2 կգ»-ի դերակատարներն են՝ Արման Նավասարդյանը, Արման Գևորգյանը, Կորյուն Մայիլը, Սարգիս Գրիգորյանը, Արթուր Պապիկյանը, Արթուր Հակոբյանը, Արա Սարգսյանը, Աննա Մարտիրոսյանը, Լիլիթ Գալստյանը, Մխիթար Ավետիսյանը և այլք։
Նյութն ամբողջությամբ՝ սկզբնաղբյուր կայքում
