Օրերս սկանդալի կիզակետում է հայտնվել 36-ամյա ռուս հայտնի հաղորդավար Դմիտրի Խրուստալյովը, ով վիճաբանություն է սարքել Մոսկվայի հենց գլխավոր ավտոճանապարհներից մեկի վրա: Բանն այն է, որ ջանալով շրջանցել իր ճամփան փակող մեքենաներին` Խրուստալյովը փորձել է հոսքի մեջ մտնել, ինչը կարծես թե դուր չի եկել հարակից մեքենայի վարորդին, ով էլ վիճել է հեռուստահաղորդավարի հետ:
Ռուսական LifeNews-ի տեսանյութում երևում է, թե ինչպես է հաղորդավարը դուրս գալիս իր մեքենայից, մոտենում կողքի մեքենային և ծեծում այդ վարորդին:
«Ես ընդամենը նրան իր տեղը ցույց տվեցի»,- լրագրողների հետ զրույցում հետո արդեն իր այդ քայլը մեկնաբանել է հաղորդավարը:
