Աժ պատգամավոր, «ԵԼՔ» դաշինքի համապետական ցուցակի երրորդ տեղը զբաղեցնող Նիկոլ Փաշինյանն ահազանգում է, որ Հայաստանում ընտրողների զանգվածային տեղաշարժեր են գրանցվում: Դրա մասին փաստական վկայություն ունի:

«Ես դիմել եմ ոստիկանությանը՝ պարզելու համար, թե 2017 թվականի հունվարի 10-ից մինչև փետրվարի 10-ը քանի ընտրող է փոխել հաշվառման վայրը: Այսօր ստացել եմ պատասխանը, որից հետևում է, որ մեկ ամսվա ընթացքում հաշվառման վայրը փոխել է ՀՀ ավելի քան 7 հազար քաղաքացի»,-հայտնում է Փաշինյանը:

Նա նշեց, որ այս տվյալները պետք է դեռ վերլուծել, պարզելու դրա մաշտաբաներն ու քաղաքական նշանակությունը, սակայն այս պահին հիմնավորվում են այն լուրերը, որ մարդկանց ստիպում են փոխել իրենց հաշվառման վայրերը:

«Շարժին հետևելու համար ես նորից հարցում կուղարկեմ ոստիկանություն»,-ասաց Փաշինյանը:
Նա ընդգծեց, որ խոշոր գործատուներն իրենց աշխատակիցներին ստիպում են հաշվառվել այլ ընտրատարածքում: