Orer.am-ը ներկայացնում է հայ և արտասահմանցի երգիչների բիզնեսները:

Վիկտորիա Բեքհեմը` Spice Girls խմբի նախկին երգչուհին, նորաձևության մեջ սեփականը թելադրելու գործը սկսել է Rock & Republic անվանմամբ ջինսերի հավաքածուի արտադրությամբ: Անգամ բրիտանական Harvey Nichols և Harrod’s խանութների ցանցերի համար արտադրվել է հատուկ VB հավաքածու: Բացի այդ, Վիկտորիա Բեքհեմը զբաղվում է նաև ճապոնական Samantha Thavasa ապրանքանիշի պայուսակների և զարդերի դիզայնով:

Քանյե Ուեսթը հավանաբար առաջին ռեփփերն է, ով սկսել է կրել դասական պոլո-վերնաշապիկներ: Այժմ նա զբաղված է հագուստի սեփական ապրանքատեսակի զարգացմամբ, որը ստեղծվել է դեռ 2006 թվականին բավականին նուրբ` Pastelle անվանմամբ:

Ջասթին Թիմբերլեյքն իր լավագույն ընկերոջ` Թրեյսի Այալայի հետ ստեղծել է William Rast հագուստի սեփական ապրանքատեսականին: William Rast անունը կազմված է երկուսի պապիկների անուններից: Ապրանքանիշը ներկայացնում է տղամարդկանց և կանացի վինտաժ ոճի հագուստ:

Լեգենդար երգչուհի և նորաձևության մարմնացում Մադոննան 2010 թվականի օգոստոսին ներկայացրեց Material Girl անվանումով երիտասարդական հագուստի գիծը: Հագուստը վաճառվում է ամերիկյան հայտնի Macy’s խանութների ցանցում:

Սյուզի Մելիքյանը իր երկրորդ մասնագիտությունն է համարում դիմահարդարումը: Շատ հայտնիներ հենց Սյուզիի ստեղծած կերպարով են հանդես գալիս հանրությանը:

Երգիչ Արամեն իր հարցազրույցներում միշտ ասում էր, որ երազում է սեփական կարաոկեն ունենալու մասին։ 2012 թվականին իր տարեդարձի օրը Արամեն ի վերջո իրականացրեց երազանքը՝ բացելով «Արամե» կարաոկե ակումբը, որը նրա համար դարձավ նաև բիզնես:

Առավել մանրամասն՝ սկզբնաղբյուր կայքում