armtimes.com-ը գրումէ.  Արցախի և Ադրբեջանի հանրապետությունների շփման գծում ադրբեջանական կողմը շարունակում է խախտել հրադադարի ռեժիմը։ Այս մասին ասաց Արցախի պաշտպանության նախարարության մամուլի խոսնակ Սենոր Հասրաթյանը:

«Հակառակորդը տարբեր հատվածներում շարունակել է խախտել հրադադարի պահպանման ռեժիմը, սակայն ընդհանուր իրավիճակը վերահսկվում է պաշտպանության բանակի կողմից»,-ասաց Հասրաթյանը նշելով, որ հայկական կողմը կորուստներ չունի։

Ըստ Հասրաթյանի՝ սա Ադրբեջանի կողմից շարունակական սադրանքներն են։

Շարունակությունը՝ սկզբնաղբյուր կայքում

Հիշեցնենք որ հունիսի 16-ին՝ ժամը 18:05-ի սահմաններում, հակառակորդը հաստոցավոր հակատանկային նռնականետերից խախտել է հրադադարի պահպանման ռեժիմը  ՊԲ կենտրոնական ենթակայության զորամասերից մեկի պահպանության տեղամասի ուղղությամբ, ինչի հետևանքով կան զոհեր և վիրավորներ:

Վիրավորներն են ժամկետային զինծառայող 1997 թվականին ծնված Արմեն Վարդանյանն և պայմանագրային զինծառայող 1984 թվականի ծնված Մյասնիկ Հովհաննիսյանը:

Մահացու վիրավորումներ էին ստացել ՊԲ զինծառայողներ Արայիկ Ռուդիկի Մատինյանը (ծնված 1997թ.), Վիգեն Ժիրայրի Պետրոսյանը (ծնված 1997թ.) և Վարդան Ծովակի Սարգսյանը (ծնված 1997թ.): 

Հունիսի 17-ին, հակամարտ զորքերի շփման գծում հակառակորդի կողմից ձեռնարկված նախահարձակ գործողության արդյունքում արձանագրված մահվան ելքով դեպքերից հետո, այսօր առավոտյան ադրբեջանական կողմը հյուսիսային ուղղությամբ դիմել է հերթական սադրանքի, որի հետեւանքով ժամը 09.40-ի սահմաններում մահացու հրազենային վիրավորում է ստացել ՊԲ զինծառայող, 1997թ. ծնված Նարեկ Տիգրանի Գասպարյանը: