Օրեր առաջ երգչուհի Սոնա Շահգելդյանը խոսել էր այն մասին, որ շուտով կրկին հանրությանը կներկայանա, որպես դերասանուհի ու կնկարահանվի «Դոմինո» սիթքոմում:
Asekose.am-ը կապ հաստատեց վերջինիս հետ՝ խոսելու նոր առաջարկի, անձնական կյանքի ու երգարվեստի մասին:
«Առաջարկը ստացա սիթքոմի պրոդյուսեր Դավիթ Բաբախանյանի կողմից: Սիրով համաձայնվեցի, քանի որ մինչ այդ հետևում էի սիթքոմին ու հավանում նրանց մատուցած հումորը: Վստահ եմ, որ իմ ներկայությունը ինչ-որ բան կփոխի սիթքոմում, քանի որ գիտեմ, որ որտեղ ես հայտնվում եմ այդտեղ մի լավ բան հաստատ լինում է: Ինձ հաճելի է խաղալ պրոֆեսիոնալ դերասանների հետ»:
Այն նկատառմանը, թե ինչպես է երգչուհին կարողանում համատեղել երգը, սիթքոմն ու ընտանիքը, վերջինս ասաց, որ պատրաստ է այլ առաջարկներ ևս ընդունելու ու անդադար աշխատելու.
«Երբեք մեկ գործ անելիս մյուսը հետին պլան չեմ մղում, ինձ համար ցանկացած աշխատանք մեծ ուշադրություն ու զգոնություն է պահանջում: Իսկ ինչ վերաբերում է ընտանիքիս ապա պետք է փաստեմ, որ վայելում եմ դրա ներկայությունը ու իհարկե փոքրիկիս: Երբեմն շատ զբաղված եմ լինում, բայց ամեն բան հասցնում եմ: Նույնիսկ եկող տարի պլանավորում ենք երկրորդ երեխան ունենալ՝ մեկ բալիկը շատ քիչ է»,-Asekose.am-ի հետ իր խոսքը եզրափակեց երգչուհին:
Հեղինակ՝ Անահիտ Հարությունյան
